- A prima traduzzione in lingua corsa hè stata fatta di dicembre di u 2018
- Una cronolugia di tutte e mudificazioni si trova nant’à GitHub
- Patriccollu di Santa Maria è Sichè
- Obligatoriu
- Un contu Pontoon chì si pò ottene da quì : https://accounts.firefox.com/oauth/signin
- Una dumanda di participazione nant’à Pontoon à a traduzzione di Firefox for iOS
- Ozzionale
- U prugramma OmegaT per traduce u schedariu di lingua
- U prugramma Notepad++ per mudificà un testu o paragunà - via un estensione - duie versioni di testu
- U furmatu di u schedariu :
.xliff - A fonte d’origine in inglese
- U schedariu in lingua corsa
U dipositu di tutte e lingue di Firefox for iOS si trova nant’à GitHub :
https://github.com/mozilla-l10n/firefoxios-l10n
U dipositu di tutta a fonte di Firefox for iOS si trova nant’à GitHub :
https://github.com/mozilla-mobile/firefox-ios
Per aiutavvi, eccu una pagina induve si pò scaricà un schedariu co.zip chì cuntene tutti i screni di l’ultima versione di l’appiecazione Firefox for iOS nant’à un telefunu :
https://firefox-ci-tc.services.mozilla.com/tasks/index/mobile.v2.firefox-ios.l10n-screenshots.latest
- À ogni mumentu, a squadra di sviluppu di Firefox for iOS pò mudificà e catene di fonte nant’à Pontoon aghjunghjendu catene nove è mudifichendu o squassendu catene anziane. In stu casu, si vede un avertimentu nant’à Pontoon, insù è à dirittu, cù un’icona di campana 🔔 di culore rossu accant’à a vostra icona d’utilizatore. È cù un cliccu nant’à sta campana, si pò fighjà tutti i messaghji d’avertimentu.
- Si pò fighjà e catene chì fermanu à traduce nant’à sta pagina :
https://pontoon.mozilla.org/co/firefox-for-ios/all-resources/?status=missing - Di più, quandu s’appronta una nova versione, si pò fighjà una data Deadline in pettu à u prughjettu nant’à a pagina di a squadra corsa nant’à a traduzzione di i prughjetti Mozilla.
- Hè ricumandatu dinù di scrivessi à stu foru Discourse di moz:lla per fighjà l’infurmazione nant’à a traduzzione (l10n = localization) di i prughjetti Mozilla.
- Si pò impiegà stu metoda quandu ci hè poca affare à traduce.
- A traduzzione si face direttamente in linea nant’à u situ Pontoon :
https://pontoon.mozilla.org/co/firefox-for-ios/ - L’appiecazione Pontoon, grazia à a so memoria di traduzzione, hè capace di truvà e catene uguale o simile è di pruponele per aiutavvi à traduce. Di più, si pò dinù fighjà a traduzzione pruposta da d’altre lingue, cum’è u francese o u talianu. Toccu à voi di selezziunà e lingue chì vi piacenu in e preferenze di Pontoon.
- Stu metoda hè piuttostu ricumandatu quandu ci hè assai catene à traduce.
- Ùn ci vole micca à impiegà Pontoon per espurtà u schedariu di lingua à traduce (>Download Translations) perchè st’azzione scaricheghja quellu in lingua corsa.
- Ci vole à scaricà u schedariu in lingua inglese è appruntallu per OmegaT. Per sapene di più, seguitate l’istruzzioni per l’adopru di l’appiecazione OmegaT.
- Tandu, si pò fà a traduzzione nant’à u vostru urdinatore cù st’appiecazione chì hà una memoria di traduzzione tamanta grazia à e traduzzioni di tutti i vostri prughjetti, qualsissia i furmati di i schedarii di traduzzione. Cum’è Pontoon, st’appiecazione hè capace di truvà e catene uguale o simile per aiutavvi à traduce.
- Dopu a traduzzione, ci vole à impiegà Pontoon per impurtacci u schedariu di traduzzione (>Upload Translations).