Traduzzione.md

A traduzzione in lingua corsa di GeneWeb

Distribuzione

• A prima traduzzione in corsu hè stata distribuita cù a versione 7.00a d’uttobre di u 2018
• L’installazione di u prugramma si pò fà in lingua corsa
• Una cronolugia di tutte e dumande di mudificazione in lingua corsa si trova nant’à GitHub

Traduttore

• Patriccollu di Santa Maria è Sichè

Pagine ufficiale di u situ web nant’à a traduzzione

• https://geneweb.tuxfamily.org/wiki/contribute/fr
• https://geneweb.tuxfamily.org/wiki/lexicon

Ciò ch’ella ci vole per traduce

• Richiestu
  • Un contu GitHub
• Ricumandatu
  • OmegaT, prugramma per traduce i schedarii cù parechje estensioni
  • Notepad++, prugramma per mudificà un testu, paragunà duie versioni di testu, o trasfurmà u cuntenutu cù una prucedura pre-arregistrata

U schedariu di lingua à traduce

• U furmatu di schedariu : .txt

• U schedariu di traduzzione - chì cuntene tutte e lingue dispunibule in GeneWeb - si trova nant’à GitHub :
  https://github.com/geneweb/geneweb/blob/master/hd/lang/lexicon.txt).

• Per infurmazione, u dipositu di tutta a fonte di GeneWeb si trova dinù nant’à GitHub :
  https://github.com/geneweb/geneweb

Cumu sapè quandu ci hè qualcosa di novu à traduce ?

• Per disgrazia, ùn hè micca pussibule di riceve un messaghju quandu ci hè qualcosa di novu à traduce, cum’è per indettu, un’iscrizzione à una lista di distribuzione di messaghju.

• Ci hè una funzione nant’à GitHub per cunnosce tutte e mudificazioni fatte (commits) nant’à u schedariu di traduzzione :
  https://github.com/geneweb/geneweb/commits/master/hd/lang/lexicon.txt

• Un cliccu nant’à ogni mudificazione vi permette di fighjà tutte e sfarenze trà duie versioni : e linee squassate, cambiate o aghjunte.

• Di sicuru, solu e catene in inglese (aghjunte o mudificate) sò interessante. Ste catene sò quelle chì principianu cù u prefissu en: .

Cumu fà a traduzzione ?

• I traduttori devenu impiegà GitHub per scaricà u schedariu di traduzzione è dumandà a so pigliata in contu dopu à a so mudificazione.

• A traduzzione si face in lucale perchè ùn ci hè alcunu attrezzu di distribuitu per aiutà sta traduzzione.

• Hè ricumandatu d’impiegà OmegaT chì hè capace, grazia à a so memoria di traduzzione, di truvà e catene uguale o simile è vi e prupone per aiutavvi à traduce.

• In corte parolle, una memoria di traduzzione s’assumiglia un pocu à un dizziunariu chì pò cambià autumaticamente e catene in inglese cù a so traduzzione in corsu.

• Quandu s’impiega OmegaT per fà una traduzzione, a memoria di traduzzione cresce, è quella memoria vi aiuterà per a prossima traduzzione. È u più s’impiegherà OmegaT per fà e traduzzioni, u più a so memoria di traduzzione crescerà !

• Per impiegà OmegaT, seguitate l’istruzzioni per l’adopru di l’appiecazione OmegaT.

Istruzzioni per piglià in contu u novu schedariu di lingua corsa

• Quandu u schedariu lexicon.txt hè ricustruitu cù tutte e traduzzioni in lingua corsa, ci vole à creà una richiesta Pull Request nant’à GitHub per dumandà a so mudificazione in u dipositu.

Liami di navigazione nant’à stu situ

• Rivene à a lista di i membri di stu prughjettu
• Rivene à a lista di tutti i prughjetti
• Rivene à a lista di tutti i prugrammi