Skip to content

Latest commit

 

History

History
86 lines (67 loc) · 7.25 KB

Traduzzione.md

File metadata and controls

86 lines (67 loc) · 7.25 KB
Raw

A traduzzione in lingua corsa d’Audacity

Distribuzione

  • A prima traduzzione in corsu hè stata distribuita cù a versione 3.0.0 di marzu di u 2021
  • L’installazione di u prugramma, chì impiega Inno Setup, si pò fà in lingua corsa
  • Una cronolugia di tutte e mudificazioni si trova nant’à GitHub

Traduttore

  • Patriccollu di Santa Maria è Sichè

Pagina ufficiale di u situ web nant’à a traduzzione

Ciò ch’ella ci vole per traduce

  • Richiestu
    • Un iscrizzione à una lista di distribuzione di messaghju
    • Un prugramma per traduce - è esse capace di mudificà - i schedarii gettext cù l’estensioni .po o .pot, per indettu : Poedit o OmegaT
  • Ozzionale
    • Un contu Transifex
    • Notepad++, prugramma per mudificà un testu

I schedarii di lingua à traduce

U dipositu di tutta a fonte d’Audacity si trova nant’à GitHub :
https://github.com/audacity/audacity

I schedarii di tutte e lingue tradutte si trovanu in u cartulare /locale/.

  • U furmatu di i schedarii : .po
  • A fonte d’origine : audacity.pot
  • U schedariu di lingua corsa : co.po

Ci hè dinù un altru locu - ind’è Transifex - induve si pò truvà parechje versione di u schedariu di lingua corsa :

  • Audacity master (development version, updated daily) hè a versione di sviluppu, quella chì pò cambià à ogni mumentu è chì diventerà a prossima versione
  • Audacity master (string freeze version) hè una copia di a versione attuale
  • Un altra versione, cum’è, per indettu, Audacity release-3.0.3

Cumu sapè quandu ci hè qualcosa di novu à traduce ?

Ci vole à abbunassi à sta lista di distribuzione di messaghju : audacity-translation mailing list

Quandu ci hè una nova versione cù nove catene à traduce, a squadra d’Audacity manda un messaghju - una o duie settimane nanzu a data d’esciuta prevista - à tutti i traduttori chì sò iscritti nant’à a lista di distribuzione.

Ma pocu à pocu, trà duie versione d’Audacity, a versione di sviluppu cambia. S’è vo avete un contu Transifex, ci hè una nutificazione mandata à ogni cambiamentu. È cusì, manu manu, ghjè pussibule di traduce e catene chì seranu in a prossima versione, invece d’aspettà u messaghju di cambiamentu di versione da a squadra d’Audacity. Di sta manera, a traduzzione di e nove catene si face pianu pianu è quandu s’affaca a nova versione, u vostru schedariu di lingua hè guasi prontu.

Cumu fà a traduzzione ?

Officialmente, Audacity ùn prupone alcuna appiecazione - lucale o nant’à u Web - per fà a traduzzione. Ma si pò quantunque impiegà Transifex per traduce. St’appiecazione in linea hè capace, grazia à a so memoria di traduzzione, di truvà e catene uguale o simile è vi e prupone per aiutavvi à traduce.

In linea

  • Si pò impiegà stu metoda quandu ci hè poca affare à traduce.
  • A traduzzione si face direttamente in linea nant’à u situ Transifex :
    https://www.transifex.com/klyok/audacity/language/co/
  • Ci vole à selezziunà una risorsa à traduce : Audacity master (development) o Audacity master
  • Cliccà nant’à u buttone Traduire
  • St’azzione currisponde à st’indirizzi :
  • In a parte à manca di l’appiecazione, e catene - tradutte o micca - sò affissate in l’ordine alfabeticu ma si pò vede trè categurie : Toutes, Non traduites è Non révisées
  • Cliccà nant’à a categuria Non traduites per fighjà solu e catene chì fermanu à traduce.
  • L’appiecazione Transifex, grazia à a so memoria di traduzzione, hè capace di truvà e catene uguale o simile è di pruponele (fighjendu e Suggestions) per aiutavvi à traduce.

In lucale

Istruzzioni per piglià in contu u novu schedariu in lingua corsa

Quandu u vostru schedariu di lingua corsa hè prontu, ci vole à mandà u schedariu in furmatu .po in pezza aghjunta à a lista di distribuzione d’Audacity.

Di regula, ghjè James Crook chì hè incaricatu di piglià in contu tutti i schedarii di lingua è di mudificà a basa d’Audacity. Per tuttu ciò chì tocca à Transifex, ci vole à cuntattà Thomas De Rocker. Si pò truvà i so indirizzi à tremindui in l’archivii di i messaghji di a lista di distribuzione d’Audacity.